MediaTek Kompanio 1380 təqdim olundu: Notbuklar üçün mobil prosessor

    Tayvanlı şirkət MediaTek mobil prosessor ekosistemində sağlam addımlar atır. Şirkət CES 2022 konfransında göstərdiyi Kompanio 1380 prosessorunu bu gün təqdim edib. Maraqlı tərəfi odur ki, bu mobil prosessor Ultrabook adlanan incə notbuklarda istifadə etmək üçün hazırlanıb.

    Həmçinin Chromebook-larda istifadə edilə bilən Kompanio 1380 prosessoru 4 ədəd Cortex-A78 və 4 ədəd Cortex-A55 nüvəsinə malikdir. Bu çipset həmçinin 5 nüvəli Mali-G57 videoqrafik çipsetini istifadə edir. 6 nm ölçülərində hazırlanan Kompanio 1380 prosessoru 3 Ghz tezliyə qədər çıxa bilir. Bundan başqa MediaTek APU 3.0 ilə 4 TOPS süni zəka performansı vəd edir.4K 60 HZ HDR ekran, AV1 kodeki, 7.1 surround səs, LPDDR4X ram, Wi-Fi 6/6E və Bluetooth 5.0 kimi texnologiyaları dəstəkləyən bu prosessor bir xeyli rəğbət qazanıb. MediaTek Kompanio 1380 prosessoru ilk olaraq Asus Chromebook Spin 513 notbukunda istifadə ediləcək.