Məşhur analitik Mark Gurman iPhone 14 seriyası ilə bağlı proqnozlarını bölüşüb

 Apple ilə bağlı ardıcıl təhlili ilə tanınan Bloomberg redaktoru Mark Qurman, Apple-ın sentyabr ayında təqdim edəcəyi iPhone 14 seriyası haqqında fikirlərini bölüşdü. iPhone 13 seriyasının sələfi iPhone 12 Pro ailəsi ilə müqayisədə böyük bir təkmilləşdirmənin olmadığını ifadə edən Qurman, iPhone 14 seriyası ilə bağlı olduqca ümidlidir. O, xüsusilə Pro modellərinin əhəmiyyətli təkmilləşdirmələri özündə daşıyacağını vurğulayır.

 Mark Qurman telefonlarla bağlı sızan məlumatların çoxunun doğru olduğunu düşünür. Müvafiq olaraq, telefonlar əvvəlki modellərlə demək olar ki, eyni xarici görünüşə sahib olacaq. Bununla belə, biz detal tərəfində əhəmiyyətli irəliləyişləri görəcəyik. Beləki, 6,1 düymlük iPhone 14 Pro və 6,7 düymlük iPhone 14 Pro Max-ın 4 nanometr ölçüləri ilə istehsal ediləcək yeni A16 Bionic çipi ilə təchiz ediləcəyi gözlənilir. Bununla belə, iPhone 14 və iPhone 14 Max keçənilki A15 Bionic çipi ilə təchiz ediləcək. Baza modellərdə əvvəlki ilin prosessorundan istifadə edilsə də, A15 Bionic-in hələ də lider olduğunu deməliyik. Bununla belə, Pro modellərindəki çərtik öz yerini iki dəliyə buraxacaq, əsas modellərdə isə çərtik qalacaq. Gurman həmçinin iPhone 14 Pro və Pro Max-ın yeni 48MP əsas sensorla təchiz ediləcəyi ilə bağlı şayiələri təsdiqləyir, görünür, buna görə də kamera performansı artacaq.