Apple şirkəti 13 düymlük yenilənmiş MacBook Pro 2022 üzərində işləyir. Sonuncu dəfə 2020-də təqdim edilən modelin yenilənmiş versiyası hazırlanır. Daha güclü, daha incə olması planlanan notbuk bir çox insanı həyəcanlandırıb.

 Apple şirkətinin ən çox sevilən cihazlarından olan 13 düymlük MacBook Pro sonuncu dəfə 2020-ci ildə təqdim olunmuşdu. 2 ildir yeni versiyası çıxmayan model yenilənəcək və daha güclü halda satışa çıxacaq. Verilən məlumatlara görə Apple şirkəti 8 Mart-da təqdimat konfransı keçirəcək və bir çox yeni cihaz təqdim edəcək. Bu cihazlar arasında MacBook Pro da yer alır. 8 nüvəli yeni M2 çipləri ilə gəlməsi gözlənilən 13 düymlük MacBook Pro notbuku gücləndirilmiş videokartdan istifadə edəcək. Beləliklə notbuk performans istəyən bütün istifadəçilərin tələblərini asanlıqla qarşılayacaq. Dizayn tərəfində öncəki MacBook Pro-dan fərqli olması gözlənilməyən notbukun Touch Bar-a sahib olacağı düşünülür. Appe şirkətinin mini LED və 120 Hz kimi texnologiyalarının bu notbukda istifadə edilməyəcəyi düşünülür. Bu səbəbdən demək olar ki, 13 düymlük MacBook Pro əvvəlki modeldən sadəcə performans olaraq fərqli olacaq.

 Qeyd edək ki, sadəcə performans fərqi olsa da bir çox istifadəçi bu modellə maraqlanır. Tələbi sadəcə performans olan istifadəçilər üçün ideal olan bu notbukun satış qiyməti hələki bilinmir. Bundan başqa nəzərinizə çatdıraq ki, yeni Apple Silicon M2 prosessorları bir xeyli güclüdür. 8K Raw videoları notbuklarda problemsiz render edə bilən tək prosessor hələki Apple şirkətinə məxsusdur. Bu səbəbdən performans gözləyən istifadəçilər bir xeyli məmnun qalacaqlar.