“Microsoft”, “Nvidia” və “Samsung”a hücum edən “Lapsus$” xakerləri həbs olunmağa başlayıb

 Bir çox texnologiya nəhəngini sındıran Lapsus qrupu ilə bağlı yeni məlumatlar ortaya çıxıb. İstintaqda təsbit edilən gənc cinayətkarların nəzarətə götürülməsinə başlanılıb.

 Texnologiya dünyasından Nvidia və Samsung kimi böyük şirkətlərə kiberhücum edən Lapsus$ qrupu, ötən həftələrdə Microsoft-u qurbanlar siyahısına əlavə etdi. Son 4 ayda çoxlu kiber hücumlarla gündəmə gələn qrupla bağlı yeni detallar paylaşılıb. Lapsus$ qrupu ilə bağlı hərtərəfli araşdırma aparan İngiltərə polisi keçən həftə kiberhücumlarla əlaqəsi müəyyən edilən biri 16, digəri 17 olmaqla iki gənci həbs etdiklərini açıqlamışdı. İstintaqdan məsul olan detektiv Maykl O'Sullivan bildirib ki, yaşına görə şəxsiyyəti açıqlanmayan cinayətkarlar arasında 16 yaşlı gənc də "kompüter və proqramla icazəsiz girişi təmin etmək"də günahlandırılır. Keçən həftə Lapsus$ hesablarından birinin hücumlar qarşısında təhlükəsizliyi pozduğunu və şirkət sistemlərinə məhdud çıxışı olduğunu elan edən Microsoft, müştərilərin məlumatlarına girişinin bloklandığını bildirdi. Həmçinin, Lapsus$-ın açıqlamasında qrupun Microsoft qaynaq kodunu oğurladığı iddialarına toxunan texnologiya nəhəngi şirkətin risk idarəçiliyi yanaşmasını vurğulayaraq, kodlar ələ keçirilsə belə, bunun heç bir fayda verməyəcəyini bildirib.