Kontaktları birbaşa "WhatsApp"dan əlavə etmək mümkün olacaq!

Gələn məlumatlara görə, WhatsApp hazırda istifadəçilərin vaxtına qənaət edəcək yeni funksiyanı sınaqdan keçirir. “WhatsApp”da kontaktlar əlavə etmək imkanı var. Lakin bu funksiya sizi telefonun öz kontaktlar bölməsinə yönəldir. Ona görə də mesajlaşma proqramı yaxınlarda istifadəçilərə proqramdan çıxmadan kontaktları əlavə etmək və ya məlumatları redaktə etmək imkanı verən yeni funksiyanı təqdim edib.

Hazırda beta istifadəçilərinə təqdim edilən xüsusiyyət sayəsində “WhatsApp”dan çıxmadan asanlıqla kontakt siyahılarına və ya Google hesablarına yeni kontaktlar əlavə edə bilirlər. Bu funksiyadan istifadə etmək üçün “WhatsApp”da kontaktlar siyahısından "Yeni kontaktı" seçməlisiniz. Bundan sonra açılan tabdan yeni kontaktı əlavə edə bilərsiniz.

Yeniləmə ilə istədiyiniz istifadəçi profilini də redaktə edə bilərsiniz. Bunlara əlavə olaraq “WhatsApp”dan sizinlə əlaqə saxlamağa çalışan naməlum nömrələri də telefonun kontaktlar tətbiqinə keçmədən kontaktlar siyahısına əlavə etmək mümkündür. Hazırda beta istifadəçilərinə təqdim edilən bu yeniləmənin tezliklə bütün istifadəçilərə təqdim ediləcəyi gözlənilir.