SpaceX-in köhnə rəhbərləri yeni avtonom elektrikli qatar proyektini elan etdilər

SpaceX-in köhnə rəhbərləri yeni avtonom elektrikli qatar proyektini elan etdilər

  Ətraf mühitin çirkliliyi hal-hazırda qlobal problemlərdən biri hesab edilir. Bu problemi azaltmaq üçün də istehsalçılar qatarlarda elektrik texnologiyası istifadə etməyə başladı. Yeni elektrikli qatarların yanacaqdan qənaət etməsi gözlənilərkən insan həyatı üçün daha sağlıqlı olacağı düşünülür.

  Qatarlar üçün bu texnologiya artıq testləri uğurla keçib. Dünyada da bir çox ölkə elektrikli qatarlara keçid edib. Testlərə görə elektrikli qatarlar yanacaqdan 11% qənaət edir. Ötən günlərdə isə ABŞ prezidenti Joe Biden dəyəri 100 milyon dollardan çox olan yeni müqavilə imzalayıb. Müqaviləyə əsasən ABŞ 20 ədəd elektrikli qatar alıb. Hal-hazırda bu qatarlar KaliforniyaNebraska ştatlarında istifadəyə buraxılıb. Wabtec Progress Rail tərəfindən istehsal edilən bu yük qatarları 104 min kiloqram yük daşıya bilir, emissiya və yanağaca 11%  qənaət edə bilir. Wabtec bildirib ki, istehsal etdikləri qatarlar Tesla Model 3-dən 100 dəfə daha çox enerji saxlaya bilir və bu səbəbdən emissiya dəyəri 30%-ə qədər azaldıla bilir.

    Həmçinin Kaliforniya Hava Qaynaqları qurumu bildirib ki, yeni elektrikli qatarların istifadəsi ilə 6.5 milyard dollar sağlıq xərcləri qənaət edilib. SpaceX-in köhnə rəhbərlərinin qurduğu Parallel Systems şirkəti önümüzdəki illərdə öz-özünə hərəkət edən, avtonom və elektrikli yük qatarlarını istehsal etməyi hədəfləyir. Modellənən qatarlar 10-15 konteyner yük daşıya biləcək. Modellənən və simulyasiya testləri edilən qatarların istifadəyə nə vaxt veriləcəyi hələki bəlli deyil.

Şərhlər