Məşhur təhlükəsizlik və antivirus şirkəti Kaspersky ABŞ tərəfindən qara siyahıya alınıb. Çinə məxsus şirkətlərin, həmçinin Huawei-n olduğu qara siyahıya ilk dəfə rus şirkəti əlavə edilib.

 ABŞ-ın daha əvvəl Huawei və ZTE şirkətlərini əlavə etdiyi Covered List-ə bu səfər Kaspersky şirkəti də əlavə olunub. FCC tərəfindən yayımlanan məlumata görə ölkə üçün qlobal risklər daşıdığı üçün Kaspersky şirkətinin məhsulları ABŞ-da qadağan edilib. Qeyd edək ki, bu siyahıya əlavə olunan şirkətlər FCC-ın 8 milyard dollarlıq fondundan dəstək ala bilmirlər. Ötən günlərdə bu siyahıya China Telecom və China Mobile İnternational USA də əlavə olunmuşdu. ABŞ-da qadağan edilən ümumi 8 şirkət bu siyahıda yerləşir. Kaspersky açıqlama olaraq bildirib ki, ABŞ-ın bu qadağası əsassızdır və tamamilə siyasi addımdır. Həmçinin onlar bildirib ki, güvənsizliyi aradan qaldırmaq üçün ABŞ və FCC ilə işbirliyi etməyə hazırdırlar. Qeyd edək ki, Kaspersky şirkəti 2017-ci ildə bir dəfə də ABŞ-da qadağan olunmuşdu. O zamanlar prezident olan Trump-ın qərarı ilə atılan addımın əsas səbəbi Rus gizli servisinin Kaspersky vasitəsilə ABŞ-a aid olan məlumatları oğurlamaq istəməsi iddiaları idi. Bu səbəbdən Kaspersky məhsullarının dövlət qurumlarında istifadə edilməyinə qadağa gətirilmişdi.