Geekbench təsdiqlədi: iPhone SE 3 modeli iPhone 13 ilə eyni performansı verir

 Ötən günlərdə təqdim olunan iPhone SE 3 smartfonu iPhone 13 ilə eyni performansı verir. Bu məlumat Geekbench tərəfindən təsdiqlənib. Qeyd edək ki, Geekbench smartfonların performanslarını test edən platformadır.

 Peek Performance təqdimatında göstərilən iPhone SE 3 smartfonu iPhone 13 ilə eyni prosessoru istifadə edir. Lakin istifadəçilər narahat idi ki, dizayn səbəbilə Apple şirkəti iPhone SE 3 modelində prosessorun performansını limitləyə bilər. İndi isə Geekbench tərəfindən təsdiqlənən məlumatlara görə Apple şirkəti iPhone SE 3 modelində performans limiti tətbiq etməyib. Yəni hər iki telefon eyni performansı göstərir. Hər iki smartfonun A15 Bionic prosessorundan istifadə etdiyini nəzərə alsaq nəticələr yaxın çıxıb. Beləki iPhone SE 3 smartfonu Geekbench testlərində tək nüvədə 1965 xal, çox nüvədə isə 4021 xal toplayıb. iPhone 13-un nəticələri isə tək nüvədə 1972 xal, çox nüvədə isə 4481 olub. Mütəxəssislər bildirir ki, aradakı xal fərqi real istifadə zamanı heçnəyə təsir etməyəcək.

 Lakin qeyd etməliyik ki, isinmə və performansın uzun müddət qorunması cəhətindən iPhone 13 daha öndədir. Bunun əsas səbəbi daha böyük gövdəsi olduğu üçün daha yaxşı soyutma sisteminin istifadə edilməsidir.