Ötən aylarda Ericsson, Apple şirkətini patent hüququnun pozulması səbəbilə məhkəməyə vermişdi. İndi isə Ericsson-un istəyi ilə iPhone satışları bir çox ölkədə qadağan edilə bilər. Ericsson-un Apple şirkətini məhkəməyə verməsinin əsas səbəbi isə 5G şəbəkəsi üçün patent hüququnun pozulması idi.

        5G texnologiyası artıq bir standart halına gəlir. 4G-ə nəzərən daha sürətli internet vəd edən 5G şəbəkəsi həmçinin İoT üçün də çox önəmlidir. Beləliklə artıq bütün məişət əşyaları da 5G ilə internetə qoşula biləcəkdi. Android ekosistemində şirkətlər 5G-ə daha tez keçid etsə də istifadəçilərin səbirsizliklə gözlədiyi o idi ki, Apple şirkəti də 5G-ə keçid etsin. Və bu nəhayət ki, oldu. Apple iPhone smartfonlarında 5G istifadə edə bilmək üçün Ericcson şirkəti ilə müqavilə imzaladı. Müqaviləyə əsasən Apple smartfonlarında Ericsson patentləri istifadə ediləcəkdi.

      Lakin 2 şirkət arasında anlaşmazlığa görə Ericsson Apple şirkətini məhkəmə verib. Həmçinin Ericsson-un tələbi ilə Almaniya, Braziliya, Hollandiya və Belçika kimi bəzi ölkələrdə iPhone satışları qadağan edilə bilər. Həmçinin yaxın zamanda İngiltərə və digər Avropa ölkələrində də bu qadağa üçün məhkəməyə müraciət ediləcək. Anlaşmazlığın ortaya çıxmasının əsas səbəbi isə odur ki, Apple Ericsson patentlərinin müddəti bitməsinə baxmayaraq yeniləmə etməyib. Həmçinin Apple şirkətinin lizensiya qiymətlərini endirməsi Ericsson tərəfindən razılıq almayıb. Buna səbəbdən Apple şirkəti də qarşı tərəfi məhkəməyə verib. Apple rəsmiləri bildirir ki, Ericsson şirkəti məhkəmə qərarını geri çəkərsə eynisini Apple da edəcək. Məhkəmənin və şirkətlərinin son qərarının necə olacağı hələki bilinmir.