iPhone 14 avtofokuslu ön kamera ilə gələcək

 Apple analitiki kimi tanıdığımız Ming-Chi Kuo iPhone 14-ün ön kamerası ilə bağlı proqnozlarını paylaşıb. Kuonun sözlərinə görə, şirkət özünün yeni nəsil smartfonlarında selfi kamerasını təkmilləşdirərək onu digər brendlərin flaqmanlarının xüsusiyyətlərinə yaxınlaşdıracaq.

 Təcrübəli analitik deyir ki, dörd iPhone 14 modelinin hamısı son iki ildə buraxılan modellərdən daha yaxşı ön kamera ilə təchiz olunacaq. Sensorun dəyişib-dəyişməyəcəyi bəlli deyil, lakin məlumat ondan ibarətdir ki, o, avtofokus funksiyasına malik olacaq və apertura f/2.2-dən f/1.9-a qədər azalacaq. Növbəti nəsil iPhone-larda bu kamera təkmilləşdirilməsi selfi və ya portret rejimi üçün daha yaxşı səhnə dərinliyi təmin edəcək, həmçinin video zənglər və canlı yayımlar zamanı fokus keyfiyyətini yaxşılaşdıracaq. O, həmçinin zəif işıqda çəkiliş performansına müsbət təsir göstərəcək.

 Yadınızdadırsa, daha əvvəl bildirilmişdi ki, Apple iPhone 14 Pro modellərinə 48 meqapiksellik əsas kamera daxil etməyi planlaşdırır. Kuonun sözlərinə görə, yenilənmiş ön kamera dörd yeni iPhone 14 modelinin hamısında istifadə olunacaq. Beləliklə, bu, yalnız Pro seriyasına eksklüziv təkmilləşdirmə olmayacaq.