iPhone 14 seriyası 6GB ram və 120 Hz ekranla təchiz edilə bilər

          Apple şirkətinin növbəti smartfon seriyası olan iPhone 14 ailəsi istifadəçilər tərəfindən səbirsizliklə gözlənilir. Apple-a rəqib smartfon istehsalçıların öz smartfonlarında yüksək ram və ekran tezliyi təklif etdiyini nəzərə alsaq artıq Apple-ın da hərəkətə keçmə vaxtı gəlib çatıb.

          Yayılan şayiələrə görə iPhone 14 seriyasında bütün modellər 6GB ram ilə təchiz ediləcək. Beləliklə Pro və Sadə modellər arasındakı ram fərqi aradan qalxacaq. Bir digər iddia isə odur ki, şirkət bütün iPhone 14 modellərində 120 Hz tezlikli ekranlara keçid edəcək. Bu da uzun zamandır istifadəçilər tərəfindən gözlənilən bir yenilik idi. Qeyd edək ki, yeni iPhone 14 seriyası smartfonlar bu ilin son rübündə çıxacaq.