iOS 16-dan ilk şəkil gəldi: İnfoShack Widget dəstəyi

    Apple şirkətinin növbəti əməliyyat sistemi iOS 16-dan ilk şəkil sızdırıldı. Hal-hazırda istifadəçilərə iOS 15 yenilənməsini verən şirkət iOS 16-da Widget dəstəyini daha çox təkmilləşdirəcək. iOS 16-nın veriləcəyi cihazların siyahısına bu linkdən baxa bilərsiniz.

    Paylaşılan məlumatlara görə Apple şirkəti iOS 16-da İnfoShack adını verdiyi Widget-lərdən istifadə edəcək. LeaksApplePro ləqəbli Twitter istifadəçisinin paylaşdığı şəkilə görə yeni widget-lər daha interaktiv olacaq. Beləliklə istifadəçilər bir çox widget-i bir yerdə toplaya və oradan istifadə edə biləcək. Məsələn, hava proqnozuna baxarkən ekran parlaqlığını idarə edə biləcək. iOS 16 əməliyyat sistemi İyun ayında WWDC 22 konfransında təqdim ediləcək. Təqdimata aylar qaldığını nəzərə alsaq iOS 16 ilə bağlı daha bir çox yeniliyin olacağını düşünmək mümkündür.