Intel şirkətinin yeni 13.nəsil Raptor Lake prosessorları daha çox nüvəyə malik olacaq. Həmçinin yeni prosessor seriyası əvvəlki nəsilə görə daha güclü olacaq. İnvestorlar üçün təqdimat keçirən Intel şirkəti bəzi məlumatları paylaşıb.
AMD şirkətinin Ryzen prosessorları ilə həm notbuk, həm desktop komputerlərdə rəqabəti artırması Intel şirkətini bir xeyli çətinə salmışdı. Həm bazar payı yüksələn, həm də daha az isinən prosessorları ilə AMD bir çox istifadəçinin sevimlisi olmuşdu. Bunun üzərinə Intel şirkəti də təkmilləşdirmələri sürətləndirmişdi. 12.nəsil ilə pis olmayan göstəricələr əldə edən şirkət indi 13.nəsil Raptor Lake prosessorları üzərində işləyir. Şirkətin investorları üçün keçirilən təqdimatda Intel yeni prosessor ailəsinin bəzi məlumatlarını açıqlayıb.
7 nm ölçülərində istehsal ediləcək Raptor Lake prosessorları 12.nəsil kimi hibrid arxitekturaya malik olacaq. Yeni prosessorlarda nüvə sayı 24-ə, iş parcacığı sayı isə 32-ə qədər yüksələcək. Intel iddia edir ki, əvvəlki nəslə görə performans artımı fərqi iki rəqəmli sayılarda olacaq. Əlavə olaraq Raptor Lake prosessorları təkmilləşdirilmiş “overclock” funksiyalarına malik olacaq. Yəni istifadəçilər prosessorun gərginlik parametrlərini dəyişdirərək düzgün soyutma sistemi ilə daha çox performans əldə edə biləcəklər. İstifadəçilərə təqdim ediləcən ilk Raptor Lake prosessorları 8 ədəd performans, 16 ədəd effektiv nüvəyə malik olacaq. 13.nəsil Raptor Lake prosessorların çıxış tarixi bilinməsə də bu il ərzində olması təxmin edilir.
