Instagram və Snapchat məhkəməyə verildi: İntihara səbəb olur

        Instagram və Snapchat ən çox istifadə edilən sosial platformalardan ikisidir. Bu platformalarda hər gün milyonlarla şəkil və video paylaşılır. ABŞ-da isə Tammy Rodriguez bu 2 şirkəti məhkəməyə verib. Səbəb isə insanların intiharına səbəb olmasıdır.

      Günümüzdə sosial media platformaları artıq aslılıq halına çevrilib və bunu idarə edə bilməyən insanların həyatlarında müxtəlif problemlərə səbəb olur. Bunlardan biri də 11 yaşındakı Selena-dır. Selena Instagram və Snapchat platformalarına elə aslı olmuşdu ki, psixoloqu belə bir hadisəni ilk dəfə gördüyünü bildirmişdi. 2 ildir sosial medya üzərində zorakılığa məruz qalan Selana depresiyaya girdi, yuxu rejimi pozuldu, dərslərindən geri qaldı və nəhayət özünə zərər verməyə başladı. Ən sonunda isə intihar etdi.

      Bu səbəbdən anası Tammy Rodriguez təcrübəli psixoloqların köməyi ilə bu 2 nəhəng şirkəti məhkəməyə verib. Məhkəməyə təqdim edilən sənədlər içində yaxın zamanda Instagram-da işləyən bir işçinin verdiyi məlumatlar da var. Beləki Instagram işçisinin verdiyi məlumatlara görə şirkət daxilində Instagram platformasının azyaşlı qızlara zərərli olduğu bilinsə də, xüsusilə azyaşlıları platformaya çəkmək üçün bəzi işlər görülür. Bu açıqlamalar Tammy Rodriguez tərəfindən məhkəməyə təqdim edilib. Həmçinin Tammy Rodriguez bildirir ki, sosial media platformaları uşaqların yaş sorğulamasında yetəri qədər yaxşı deyil və valideynlər uşaqlarını bu platformalarda yetəri qədər yaxşı izləyə bilmir. Həmçinin bu platformaların uşaqların ağıl sağlıqlarına da mənfi təsir etdiyini bildirib. Məhkəmə hələ davam etdiyi üçün nəticəsinin nə olacağı bəlli deyil