Meta şirkətinin CEO-su Mark Zuckerberg Instagram üçün NFT dəstəyinin gələcəyini təsdiqlədi. Facebook, Instagram və WhatsApp-ın sahibi olan Meta şirkəti Blockchain həllərini öz platformalarına daha çox inteqrasiya etməyi düşünürlər.

 NFT-lər gün keçdikcə daha çox məşhurlaşır. Bu səbəbdən bir çox platformalara inteqrasiyası artıb.SXSW konfransında bu haqda açıqlamalar verən Meta CEO-su Mark Zuckerberg təsdiqləyib ki, NFT kolleksiyaları Instagram-a inteqrasiya ediləcək. NFT sisteminin necə inteqrasiya ediləcəyi və ya necə görünəcəyi haqqında hələki heç bir informasiya paylaşılmayıb. Lakin o bildirib ki, istifadəçilər öz NFT kolleksiyalarını başqalarına göstərə biləcək və həmçinin yeni kolleksiyalar əlavə edə biləcəklər. Yeni funksiyanın növbəti aylarda Instagram-a inteqrasiya edilməsi gözlənilir. Həmçinin istifadəçilər NFT satışlarından da gəlir qazana biləcəklər.