Instagram hekayələrinə səsli mesajla cavab vermək mümkün olacaq

 Instagram-a gələcək olan yeni funksiya ilə birliktə paylaşılan hekayələrə səsli mesajla cavab vermək mümkün olacaq. Bu ildən etibarən Meta şirkəti Instagram-ı daha çox təkmilləşdirməyə çalışır.

 Ötən günlərdə Meta şirkəti Instagram üçün hekayələri bəyənməyə imkan verən yeni funksiyanı yayımlamışdı. İndi isə şirkət Instagram üçün hekayələrə səsli mesajla cavab vermək üçün yeni funksiya üzərində işləyir. Alessandro Paluzzi tərəfindən Twitter üzərindən paylaşılan məlumatlara görə şirkət artıq bəhs edilən funksiyanı istifadəçilər üçün yayımlayacaq. Beləliklə istifadəçilər hekayələrə səsli mesajla cavab verə biləcək. Hal-hazırda Instagram tərəfi bu funksiya ilə bağlı hər hansı bir məlumatı təsdiqləməyib. Yeni funksiyanın hansı inkişaf mərhələsində olduğu və nə vaxt istifadəyə veriləcəyi bilinmir. Bəhs edilən funksiya Instagram Beta istifadəçiləri tərəfindən istifadə oluna bilir.