Instagram-a yeni bir funksiya gəldi: Hekayələri bəyənmək

 Artıq istifadəçilər Instagram hekayələrini postlar kimi bəyənə (like) biləcəklər. Şirkət bir müddətdir ki, yeni funksiya üzərində işləyirdi. Nəhayət yeni funksiya istifadəçilərə təqdim edilib.

 Bilindiyi kimi Instagram-da paylaşılan hekayələrə reaksiyalar bildirmək olur. Bu halda hekayəni paylaşan istifadəçiyə bildiriş gedirdi. Lakin dünən axşam Instagram CEO-su Adam Mosseri bildirib ki, artıq istifadəçilər hekayələri bəyənə biləcəklər. Bu funksiya Instagram postlarında istifadə edilən kimi olacaq. Lakin tək fərq odur ki, digər istifadəçiyə bildiriş getməyəcək. Digər tərəfdən hekayəni paylaşan istifadəçi kimlərin bəyəndiyini görə biləcək. Bunun üçün hekayəyə baxanlar bölməsində like edənlərin qarşısında kiçik bir ürək simvolu göstəriləcək. Beləliklə kimlərin like etdiyi bilinəcək.

 Adam Mosseri bildirib ki, yeni funksiyanın əsas məqsədi insanların bir-birinə daha çox dəstək verməsidir. Lakin həm də özəl mesajları qismən təmizləməkdir. Beləliklə Instagram DM-ləri reaksiya bildirişləri ilə dolmayacaq. Qeyd edək ki,yeni funksiya yavaş-yavaş hər kəs üçün aktivləşdirilməyə başlanıb. Önümüzdəki tarixlərdə bizim ölkədə də aktivləşdiriləcəkdir. Bundan başqa bu il ərzində Instagram bir çox yeni funksiya təqdim etməyi planlayır. Bunlardan ən vacibi isə ana səhifədə postların sıralanması olacaq. Beləliklə istifadəçilər bəyəndikləri səhifələrin postlarını ana səhifədə daha çox görə biləcəklər. Əlavə olaraq Instagram-ın iPad versiyasının da hazırlanması müzakirə olunur. Lakin rəsmi mənbələr bu haqda fikir bildirməyib. Bundan bir neçə il öncə Instagram rəsmiləri iPad-lər üçün Instagram-ın hazırlanmasını müzakirə etmədiklərini bildirmişdi.