Instagram videolarına avtomatik altyazı dəstəyi gəldi

 Instagram platforması TikTok ilə rəqabət üçün videolarına avtomatik altyazı dəstəyi gətirib. Ötən ilin əvvəllərində TikTok-a gələn bu funksiya indi Instagram üçün aktivdir.

 TikTok və Instagram arasındakı rəqabət hər keçən gün daha çox artır. TikTok-un ötən ilin əvvəlində videolar üçün avtomatik altyazı dəstəyi gətirməsi istifadəçilər tərəfindən müsbət qarşılanmışdı. İndi isə bu funksiya Instagram tərəfində də istifadə ediləcək. Bildirilən məlumatlara görə altyazı dəstəyi videolar üçün avtomatik aktivləşdirəcək. Hələki altyazı dəstəyi bütün dillər üçün mövcud deyil, lakin yaxın zamanlarda dəstəklənən dillərin sayı artdıralacaq. Instagram rəsmiləri bildirir ki, altyazılar süni zəka tərəfindən hazırlanır. Bu səbəbdən ilk başlarda altyazıların çox da mükəmməl olmayacaq. Lakin süni zəkanın öyrənmə qabiliyyəti artdıqca tərcümələrin daha yaxşı olacağı bildirilir. Bu yeni funksiya ilə Instagram eşitmə qabiliyyətində problem olan istifadəçiləri hədəfləyir. Beləliklə o istifadəçilər də platformadan rahatlıqla istifadə edə biləcəklər. Digər tərəfdən şirkət videoları səssiz izləyən istifadəçiləri də düşünür. Statistikalara görə istifadəçilərin 92%-i Instagram videolarını səssiz izləyir. Bu səbəbdən yeni funksiya hər kəs üçün faydalı olacaq.