İlon Mask istifadəçi məlumatlarına gözünü dikib!

Şirkəti daha gəlirli etmək üçün bütün yolları yoxlayan İlon Mask indi də istifadəçi məlumatlarından yararlanmaq istəyir. Belə ki “Twitter”dən pulsuz istifadə etmək istəyənlər şəxsi məlumatlarının paylaşılmasına dözəcəklər.

Twitter nə qədər istifadəçi dostudur?

İlon Mask vəzifəyə gəldiyi gün Twitter Blue abunəliyini veb üçün 8 dollara, iOS üçün isə 11 dollara dəyişdi. Təəssüf ki, qazancını qorumaq istəyən Mask "Blue"nin 6 dollar olması səbəbi ilə fərqli həll yolları axtarır. Hazırda ABŞ istifadəçilərinin 1 faizinə təklif olunan funksiya proqrama daxil olduqda məlumat paylaşılmasını təsdiq edən pəncərə açılır. İstifadəçi bunu təsdiqləmədən ana səhifəyə keçə bilməz və ya məcburi Twitter Blue xidmətinə abunə olmalıdır. İlon Maskın bir müddət nəbzi yoxlamaq istədiyi bildirilir. İstifadəçilərdən gözlədiyi reaksiya gəlməsə, yəqin ki, bütün istifadəçiləri buna məcbur edəcək. Digər tərəfdən, məlumatların məcburi paylaşılması App Store qaydalarına ziddir və Twitter mağazadan silinə bilər.