İlon Mask bu yaxınlarda “Twitter”in baş direktoru vəzifəsindən istefa verib-verməməsi ilə bağlı anket etdi və nəticəni qəbul edəcəyini demişdi. Və nəticədə istifadəçilərin yarıdan çoxu Maskın istefasını tələb edir. Bununla bağlı Mask açıqlama verib. Biznesmen "Bu işi qəbul edəcək qədər axmaq olan birini tapan kimi CEO vəzifəsindən istefa verəcəm! Bundan sonra yalnız proqram təminatı və server komandalarını idarə edəcəm" dedi. Təbii ki, Musk CEO vəzifəsindən istefa versə də Twitter hələ də onundur. 

Sosial şəbəkənin əsasən server və proqram təminatından ibarət olduğunu nəzərə alsaq, İlon Maskın CEO vəzifəsindən getməsini rəsmiyyət kimi qiymətləndirmək olar. Görünən odur ki, onun adının yanında təkcə baş direktor titulu (CEO) götürüləcək. Təəccüblü deyil ki, İlon Mask artıq şirkətlərinin əksəriyyətini bu şəkildə idarə edir. Müdir olmaqdan nifrət etdiyini və hər dəfə mühəndis olduğunu deyən İlon Mask Tesla CEO-nu başqa birinə təhvil verməyi planlaşdırır.