İlon Mask ilin sonunda "Twitter"i təhvil verəcək!

Keçən il texnologiya dünyasında fırtınalar qopararaq “Twitter”i satın alan İlon Maskın şirkəti nə vaxt və kimə təhvil verəcəyi çoxuna maraqlıdır. Hərdən yerinə axmaq axtardığına dair zarafatlar etsə də, məşhurun planı ortaya çıxdı. Dubayda keçirilən konfransda çıxış edən Mask “Twitter”i maliyyə cəhətdən daha möhkəm təməl üzərində qurmaq istədiyini dilə gətirib. İşlər istədiyi kimi getsə, il sonuna doğru yeni menecer tapmaq niyyətindədir.

İlon Mask şirkəti startap olaraq görür və görüləcək çox işin olduğunu düşünür. Həftənin yeddi günü cəmi 6 saat yuxu ilə 80 saat işlədiyini bildirən məşhur enerjisini şirkət üçün sərf etdiyini bildirir.

İlon Mask “Twitter”i gəlirli biznesə çevirmək istəyir. Buna reklamlardan çox aqressiv abunə strategiyası ilə nail olmağa çalışır. Mavi tık, uzun videolar, 4000 simvol limiti kimi bir çox üstünlüklər abunə ilə təklif edilməyə başlandı. Hətta şirkətlər üçün min dollara yaxın abunə qiymətləri var.