İlon Mask bu funksiyanı hər kəs üçün pulsuz etmək istəyir!

"Twitter"in yeni rəhbəri İlon Mask istifadəçilərdən mavi işarəyə görə ayda 8 dollar ödəməni planlaşdırsa da, platformanın ən lazımlı xüsusiyyətlərindən birini hər kəsə aça bilər. Jurnalist Keysi Nyutonun sözlərinə görə, Mask tvit redaktə etmə funksiyasını bütün istifadəçilər üçün pulsuz etməyi planlaşdırır. Bildiyiniz kimi hazırda tvit redaktə etmə funksiyası yalnız ABŞ, Kanada, Avstraliya və Yeni Zelandiyada Twitter Blue abunəsi altında mövcuddur. Başqa sözlə, hələki dünyada yalnız məhdud sayda istifadəçi öz tvitlərini redaktə etmək imkanına malikdir.

Tweet redaktə etmə funksiyası nədir?

Tweet redaktəsi paylaşılmış orijinal tvitlərə məhdud sayda dəyişiklik etməyə imkan verir. Bu xüsusiyyət sayəsində istifadəçilər tviti yazdıqdan sonra 30 dəqiqə ərzində yazı səhvlərini düzəldə bilərlər. Bu 30 dəqiqə ərzində maksimum 5 redaktə edilə bilər. Elon Musk hələ bu funksiyanın hər kəs üçün olacağını təsdiqləməyib. Lakin məşhur sahibkar hələ Twitteri almamışdan əvvəl bu məsələ ilə maraqlandığını açıq şəkildə bildirmişdi. Maskın “Twitter”də keçirdiyi sorğuda milyonlarla istifadəçi tvit redaktə düyməsinin tətbiqinə səs verib.