İlklərin ünvanı Bakcell 5G sürətini istifadəyə verdi!

Bakcell 5G texnologiyasını ölkə ərazisində istifadəyə verdi. 5G ultrasürətli və sabit internet təqdim edən yeni nəsil mobil şəbəkə texnologiyasıdır. 5G müxtəlif sahələrdə əsl inqilab yaradacaq və həyatımızın bütün sahələrində inanılmaz yeniliklərə təkan verəcək. Bu sürət virtual aləmdə oyunları daha əlçatan edir, filmləri ən yüksək keyfiyyətdə izləmək, irihəcmli məlumatları anında ötürmək imkanı verir. 5G vasitəsilə dron texnologiyalarının tətbiqi nəticəsində kənd təsərrüfatında səmərəlilik misli görülməmiş formada artacaq. Ən son cihazların genişmiqyaslı istifadəsi ilə səhiyyədə xəstəliklərin daha erkən diaqnozu və kütləvi monitorinqi mümkün olacaq. 5G "ağıllı" kənd və şəhərlərin, pilotsuz nəqliyyat vasitələrinin istifadəsini yeni zirvələrə qaldıracaq.

Heyrətamiz 5G üstünlükləri!

1. İnanılmaz yüksək sürət

1 GB/s-dən yuxarı.
Və bu hələ son deyil.

2. Ən yüksək siqnal ötürmə

5G şəbəkəsinə qoşulmuş cihazlarda gecikməsiz bağlantı.

3. Minlərlə cihazın eyni anda şəbəkəyə çıxışı

Kütləvi tədbirlərdə çoxsaylı cihazların eyni anda kəsintisiz internetdən istifadəsi.

5G əhatə dairəsi bu əraziləri əhatə edəcək:

- Fəvvarələr meydanı (H.Z.Tağızadə küç.19)

- Xaqani bağı (Molokan bağı)

- "Dəniz Mall"

5G-dən istifadə etmək üçün:

- Smartfonunuz ölkədəki 5G şəbəkəsinə açıq olmalıdır.

- 5G əhatə dairəsində olmalısınız.

- *501*1# yığın və test üçün 5GB hədiyyə əldə edin.

Hal-hazırda ölkədə 5G şəbəkəsinə açıq cihazlar bəzi Xiaomi, Huawei, OnePlus, Poco, Vivo smartfonlarıdır. Əgər cihazınız 5G şəbəkəsini dəstəkləmirsə, məyus olmayın. Bakcell sizə 5G sürətini test etmək üçün geniş fürsət təqdim edir. Fəvvarələr meydanında Bakcell 5G guşəsinə yaxınlaşın və supersürəti kəşf edin!

Bakcell Azərbaycanda eSIM və VoLTE texnologiyalarını tətbiq edən ilk mobil operatordur. Daha ətraflı məlumat üçün:  Linkə keçid edin