"iPhone"ların orta satış qiymətində rekord: 1700 manat!

CIRP-nin yeni hesabatı, iPhone-ların orta satış qiymətinin 2023-cü ilin birinci rübündə bütün zamanların ən yüksək həddinə çatdığını ortaya qoydu. Paylaşılan məlumatlar göstərir ki, 2023-cü ilin birinci rübündə Cupertino şirkətinin smartfonlarına ödənilən orta qiymət əhəmiyyətli dərəcədə artaraq 988 dollara yüksəlib.

iPhone 14 Pro və Pro Max trendi alovlandırdı

Qrafikdə trendin necə davamlı olaraq yüksəldiyi və 2022-ci ilin martında 882 dollara yüksələn orta qiymətin 2023-cü ilin martında zirvəyə çatdığını görmək olar. Bu tendensiyaya səbəb olan ən mühüm amil iPhone 14 Pro və Pro Max-ın populyarlığı olub. CIRP həmçinin qeyd edib ki, getdikcə daha çox insan yüksək yaddaşa malik iPhone-lara üstünlük verir və mini modelin ləğvi də 14 və 14 Plus-ın satışlarını artırıb.

Smartfon bazarının dayanmadan mənfiyə getdiyi bir vaxtda Apple orta satış qiymətlərini yüksəltməklə özünü xilas etmiş görünür.