"iPhone"lar iOS 17 ilə daha təhlükəsiz olacaq!

iOS 17 mesajlardan doğrulama kodlarının avtomatik silinməsi kimi təhlükəsizlik və məxfilik funksiyaları ilə gəlir. iOS 17 ilə gələcək təhlükəsizlik funksiyaları:

Daha yaxşı təhlükəsizlik

Apple iOS 17-yə reklamçıların bəyənmədiyi yeni funksiya əlavə edir. Bilirik ki, reklamverənlərin istifadəçiləri onlayn izləmə üsullarından biri də internet bağlantılarına izləmə parametrləri əlavə etməkdir. İzləmə parametrləri hətta istifadəçinin IP ünvanını, yeri və cihazı haqqında məlumatlarını əldə edə bilir. iOS 17 yeniləməsi ilə Safari, Mail və Messages avtomatik olaraq belə URL-ləri aşkarlaya və izləmə hissəsini dərhal silə bilər. Bu funksiya Parametrlər - Safari - Qabaqcıl - Məxfilik - "Qabaqcıl izləmə və barmaq izinin qorunması" altında aktiv edilə bilər.

Doğrulama kodlarının avtomatik silinməsi

SMS ilə iki addımlı autentifikasiya metodundan istifadə edənlər üçün iOS 17 yeni funksiya təqdim edir. Mesajlar və Apple Mail-ə göndərilən doğrulama kodları sayta və ya proqrama daxil olduqdan sonra avtomatik olaraq silinəcək. Doğrulama kodlarını Parametrlər - Parollar - Parol Seçimləri menyusunda görəcəksiniz. Avtomatik təmizləmə seçimini açmaq kifayətdir. 

Yeni Foto icazələri

iOS 17 tətbiqlərin fotoşəkillərə girişini daha da məhdudlaşdırır. Altı ay əvvəl fotoşəkillərinizə giriş icazəsi verdiyiniz hər proqram sizə giriş icazəsi verməyə davam edib-etməyəcəyinizi soruşacaq. Giriş limitli seçildikdə, hər dəfə foto və ya video paylaşdığınız zaman proqram sizdən icazə istəyəcək. iOS 17-də bu funksiya avtomatik olaraq açıqdır, onu parametrlərdən aktivləşdirməyə ehtiyac yoxdur.

iOS 17 beta versiyasını pulsuz yükləmək mümkündür

Bunlar iOS 17 ilə gələn ən vacib yeni təhlükəsizlik və məxfilik xüsusiyyətləridir. “Apple”ın iOS 17 beta 2 yeniləməsini bu həftə buraxacağı gözlənilsə də, iOS 17 ictimai beta versiyası iyul ayında buraxılacaq. iOS 17-nin son versiyası hər il olduğu kimi payızda çıxacaq.