iPhone 14 modellərində SİM- kart yuvası yoxdur!

iPhone 14 modellərində SİM- kart yuvası yoxdur!

ABŞ-dakı bütün iPhone 14 modellərində artıq fiziki SİM- kart yuvası yoxdur. Bu o deməkdir ki, bu il köhnə cihazınızdan SİM- kartı çıxarıb, yeni iPhone 14-ə taxmaq mümkün olmayacaq. Beləliklə, bu necə işləyəcək? Bütün ABŞ iPhone 14 modelləri indi yalnız ikili eSIM dəstəyi ilə təchiz olunduğu üçün hər şey elektron şəkildə baş verəcək. eSIM istifadəçiyə mağazaya getmədən və ya fiziki kartı gözləmədən nömrəni aktivləşdirməyə imkan verən rəqəmsal SİM-dir, bütün işlər rəqəmsalda (dijitalda) aparılır. Yəni siz nömrəni mağazadan almırsınız, onu onlayn olaraq alıb, aktivləşdirirsiniz.

Nəzərə alın ki, ABŞ-da satılan iPhone 14 modelləri fiziki SİM-kart dəstəyinə malik olmayacaq, ABŞ xaricindəki iPhone 14 cihazlarında isə ənənəvi SİM qabı və bir eSIM dəstəyi var. Onu da qeyd etməliyik ki, eSIM ilə siz fiziki SİM-kart bütün imkanlarına maliksiniz: 4G LTE və 5G operator şəbəkələrinə tam giriş, eyni əhatə dairəsi, hər şey eynidir. Əslində, eSIM 2018-ci ildən bəri iPhone XS və XR seriyalarında seçim kimi mövcud idi. Yəni sizə həm eSiM, həm də Sim-kart yuvası təklif edirdi. Lakin indi dəyişən odur ki, o, artıq seçim deyil, yeganə yoldur. 

Bu təkcə ABŞ-dakı iPhone-lərə aiddir və bu ərazi lə məhdudlaşır. Digər ölkələrə və bizə gəlməyib. Nə vaxt gələcəyi haqqında da məlumat yoxdur.  

Şərhlər

Ads by Google