"iPhone SE 4"ün dizaynı bəlli oldu!

"iPhone SE 4"ün dizaynı bəlli oldu!

Güclü, yeni avadanlıqları köhnə dizaynlarla birləşdirən və sərfəli qiymətə satılan iPhone SE "Apple"ın sevimli məhsullarından biri olmaqda davam edir. Hazırkı modelində iPhone 8-lə eyni dizayna sahib olan SE tezliklə yenilənəcək. İddialara görə, yeni model daha müasir dizayna sahib olacaq. Apple cihazları haqqında verdiyi etibarlı xəbərlərlə tanınan Jon Prosser "iPhone SE"nin "Phone XR"ə bənzəyəcəyini təsdiqləyib. Uğurlu konsept dizayneri İan Zelbo ilə işləyən Jon Prosser cihazın konsept dizaynlarını paylaşdı. Deyəsən, iPhone SE demək olar ki, "XR"nin nüsxəsi olacaq. Sızdırılan məlumatlara görə yeni nəsil iPhone SE konsept dizaynlarında göründüyü kimi 3 fərqli rəng seçiminə sahib olacaq. 6,1 düymlük LCD ekrana və çentikə sahib olacağı gözlənilən cihazın Face ID-yə sahib olub-olmayacağı hələ məlum deyil. Ehtimal ki, A15 Bionic səviyyəsində prosessoru olacaq. Apple yeni nəsil "iPhone SE"də qiymət artımı etməsə, şirkət orta səviyyəli smartfonlar bazarında böyük pay toplaya bilər.

Şərhlər

Digər xəbərlər