iPhone 17 və 17 Pro-nun daha bir xüsusiyyəti müəyyən edildi

Apple iPhone 17 və 17 Pro seriyasının daha bir xüsusiyyəti bəlli olub. Flaqman telefonlar Apple istehsalı olan iki fərqli çip ilə təchiz olunacaq. Budur, ətraflı məlumat...

Keçən sentyabrda iPhone 16 ailəsini təqdim edən Apple, bildiyiniz kimi yalnız kiçik yeniliklər təqdim etdi. Lakin bu günə qədər sızdırılan məlumatlar iPhone 17 seriyasında ciddi dəyişikliklərin olacağını göstərir. Son saatlarda isə iPhone 17 və 17 Pro-nun yeni bir xüsusiyyəti də aşkarlandı. Bu model, Apple-a məxsus iki fərqli çip ilə gəlir.

Apple 5G modem və Wi-Fi 7 üçün hazırlaşır

Xatırladaq ki, Apple uzun müddətdir öz 5G modem və Wi-Fi 7 çipi üzərində çalışır. Təchizat zənciri analitiklərindən Ming-Chi Kuo isə "ən azı bir iPhone 17 modelinin Apple-a məxsus Wi-Fi 7 çipi ilə gələcəyini" təsdiqləyib. Kuo bildirir ki, Apple-ın 5G və Wi-Fi çipləri hazırda "iki ayrı çip" kimi planlaşdırılır.

Bu çiplər, iPhone 17 və digər cihazlarda 2025-ci ilin ikinci yarısından etibarən eyni anda istifadə ediləcək. Bu, daha əvvəl paylaşılan və Wi-Fi, Bluetooth, GPS və 5G-ni bir araya gətirən tək çip iddiasını hazırda etibarsız edir. Kuo həmçinin, mart ayında satışa çıxması gözlənilən iPhone SE 4 modelinin Apple dizaynlı bir 5G modemi ilə gələcəyini, lakin Wi-Fi çipi üçün Broadcom-dan təchizatın davam etdiriləcəyini bildirib.

Beləliklə, iPhone SE 4-də yalnız Apple dizaynlı 5G modem olacaq və Broadcom Wi-Fi çipi istifadə ediləcək. Xatırladaq ki, mövcud olan iPhone 16 modelləri də Broadcom çipi ilə Wi-Fi 7 dəstəkləyir, lakin bəzi məhdudiyyətlər var.

Bu məlumatlar hələ rəsmi təsdiqini tapmasa da, Apple-ın bağlantı texnologiyaları sahəsində xarici təchizatçılardan asılılığını azaltmağa çalışdığı açıqdır.