iPhone 17 Pro Max daha kiçik "Dinamik Ada" ilə təchiz oluna bilər

Gələn ilki iPhone 17 seriyası haqqında ilk iddialar ortaya çıxmağa başlayıb. Məlumata görə, iPhone 17 Pro Max yeni metalens texnologiyası sayəsində daha kiçik Dinamik Ada ilə təchiz oluna bilər.

İlk olaraq iPhone 14 Pro modeli ilə təqdim olunan “Dinamik Ada” konsepti, iPhone-u digər Android telefonlardan ayıran bir dizayn elementidir və eyni zamanda bir çox funksiyanı yerinə yetirir. Lakin ekranda çox yer tutması bəzi istifadəçilər tərəfindən tənqid olunur. Görünür ki, iPhone 17 ilə bu vəziyyət dəyişəcək.

iPhone 17 Pro Max modelində daha kiçik Dinamik Ada olacaq

Texnologiya analitiki Jeff Pu-nun dediyinə görə, Apple iPhone 17 Pro Max modelində Dinamik Ada-nı kiçildəcək. Şirkətin bu addımı ilə, 17 Pro Max-i seriyanın digər modellərindən fərqləndirərək daha cəlbedici etməyi planladığı deyilir. Standart iPhone 17 və 17 Pro modellərində isə Dinamik Ada dəyişməyəcək.

Apple-ın bunu metalens texnologiyası vasitəsilə həyata keçirəcəyi bildirilir. Üzərində mikroskopik naxış olan incə və düz bir lens parçası olan metalens işığı daha dəqiq fokuslamağa imkan verir. Analitik, şirkətin iPhone 17 Pro-da Dinamik Ada-nı kiçiltmək üçün bu texnologiyanı necə istifadə edəcəyinə dair ətraflı məlumat verməyib. Gələn həftələrdə bu mövzuda daha çox məlumat əldə ediləcək.