iPhone 17 Air, Pro modellərindən daha ucuz ola bilər

Apple, gələn il təqdim edəcəyi yeni nəsil iPhone 17 Air modelini daha əvvəlki proqnozlardan fərqli olaraq Pro seriyasından daha aşağı qiymətlə təqdim etməyə hazırlaşır.

Apple, 2024-cü ildə bazara çıxaracağı iPhone 17 seriyası ilə əhəmiyyətli dəyişikliklər etməyi planlaşdırır. Şirkətin bu seriyaya iPhone 17 Air adlı incə bir model əlavə edəcəyi artıq məlumdur. Bu modelin daha yüksək qiymətə satılacağı gözlənilirdi, lakin yeni məlumatlara əsasən cihazın Pro modellərindən daha ucuz qiymətə malik olacağı ehtimal edilir.

iPhone 17 Air modelinin əsas iPhone 16-nın 7.8 mm qalınlığı ilə müqayisədə daha incə (təxminən 5 mm ilə 6.25 mm arasında) bir gövdəyə sahib olması gözlənilir. Belə ki, 2014-cü ildə təqdim edilmiş ən incə iPhone modeli olan iPhone 6-nın 6.9 mm qalınlığını keçərək bu günə qədərki ən incə iPhone olacaq.

899 dollardan satışa çıxa bilər

Yeni məlumatlara əsasən, iPhone 17 Air Pro modellərindən daha yüksək deyil, əksinə aşağı qiymətə satılacaq. ABŞ-da hazırda 999 dollardan başlayan Pro seriyası ilə müqayisədə, bu modelin qiyməti təxminən 899 dollar ola bilər. Amma Apple Pro modellərini daha baha təqdim edərsə, iPhone 17 Air-ın da qiyməti 999 dollar ola bilər.

Bu vaxta qədər əldə edilmiş məlumatlara görə, iPhone 17 Air yalnız bir arxa kameraya malik olacaq.