iPhone 15 Pro və Pro Max-ı gözləyənlərə pis xəbər!

iPhone 15 Pro və iPhone 15 Pro Max haqqında çıxan saysız-hesabsız xəbərlərin ən böyük ortaq nöqtəsi sensorlu düymələr idi. “Apple”ın mövcud fiziki düymələri toxunma düymə dizaynı ilə əvəz edəcəyi iddia edilirdi. Ancaq yeni hesabatlarda bu funksiyanın bəzi problemlərə görə dayandırıldığı bildirilir.

iPhone 15 Pro ailəsi kilidləmə funksiyasını itirmiş ola bilər

Apple analitiki Ming-Chi Kuo tərəfindən paylaşılan ən son məlumata görə, yeni nəsil iPhone 15 Pro və iPhone 15 Pro Max-da "kütləvi istehsaldan əvvəl həll edilməmiş texniki problemlər" səbəbindən artıq sensorlu düymələr olmayacaq. Bu düymələrin iş məntiqi iPhone 7-nin əsas ekran düyməsi ilə eynidir. iPhone 15 Pro ailəsinə əlavə ediləcək iki Taptic Mühərriki ilə düymələrə basma hissi simulyasiya ediləcəkdi. Problemlərə görə, bu düymələrin iPhone 15 Pro ailəsinə çatmayacağı, ancaq iPhone 16 seriyasında görəcəyimiz deyilir.

Texniki problemin nə olduğu bilinməsə də, bunun mühəndislik test cihazlarında ortaya çıxdığı bildirilir. Buna görə də, kütləvi istehsaldan əvvəl Apple çox güman ki, təchizat kanalını dəyişəcək və ənənəvi fiziki açar dizaynına qayıdacaq. Bununla belə,"iPhone"lar üçün Taptic Engine ilə əlaqəli komponentlər istehsal edən Cirrus Logic və AAC Technologies-in bu dəyişiklikdən sonra çətin vəziyyətə düşəcəyi görünür.