“Apple”ın bu il təqdim edəcəyi iPhone 15 seriyası ilə böyük dizayn dəyişiklikləri edəcəyi gözlənilir. Apple analitiki Ming-Chi Kuo olacaq bəzi əsas dəyişikliklərə aydınlıq gətirdi.
iPhone 15 Pro və Pro Max toxunma düymələri ilə gələcək
Kuonun “Twitter”dəki yazısı “Apple”ın iPhone 15 modellərində toxunma (sensor) panelləri üçün fiziki düymələri götürəcəyinə dair iddiaları yenidən gücləndirdi. Bununla belə, məşhur analitik deyir ki, iPhone 15 Pro və iPhone 15 Pro Max cihazları güclə əks əlaqə təmin edəcək Taptic Engine vibrasiya motoru ilə təchiz ediləcək. Beləliklə, Apple heç bir hərəkət olmadan real düymə hissini təqlid edəcək. Həmçinin bildirilir ki, Apple bu yeni texnologiya üçün ABŞ-ın yarımkeçirici təchizatçısı Cirrus Logic ilə razılağa gəlib. Beləliklə, deyə bilərik ki, yeni dizayn dəyişikliyi bir daha təsdiqləndi. Kuo isə düşünür ki, toxunuşa həssas düymələr müsbət rəylər alarsa, Apple gələcəkdə bu dizaynı digər yüksək səviyyəli məhsullarına da tətbiq edə bilər.
