iPhone 15 Pro ekran parlaqlığında zirvəyə çıxacaq

Samsung Display tərəfindən istehsal olunan ən son OLED paneli maksimum 2000 nit parlaqlıq təklif edir. Bu panel iPhone 14 Pro seriyasında və "Samsung"un öz modelləri istisna olmaqla bir neçə Android telefonunda istifadə olundu. Şirkət indi daha parlaq yeni nəsil OLED paneli üzərində işləyir.

“Samsung Display”in smartfonlar üçün hazırladığı yeni nəsil OLED panelinin 2500 nit parlaqlığına çatdığı deyilir. Apple haqqında məlumat paylaşan etibarlı tipster deyir ki, yeni OLED panel bu il təqdim olunacaq iPhone 15 Pro Max modelində istifadə edilə bilər. Bu, HDR çəkilişində açıq havadakı görüntü qabiliyyətini və reallığı əhəmiyyətli dərəcədə artıracaq. Ancaq bu, ekran parlaqlığının 25% daha yüksək olacağı mənasına gəlmir. “Samsung Display”ın yüksək səviyyəli OLED ekranları adətən Galaxy S və ya Galaxy Note seriyalı telefonlarla təqdim olunur. Lakin Apple keçən il istehsalçının 2000 nitlik OLED displeyini istifadə edən ilk şirkət oldu. Samsung MX, Galaxy S23 telefonlarında eyni paneldən istifadə etməyib. Buna görə də ola bilər ki, Galaxy S24 Ultra-da 2500 nits ekran görməyək.

Samsung hər nəsil yeni OLED panelləri ilə ardıcıl təkmilləşdirmələr təklif edir və LG Display CSOT kimi rəqibləri geridə qoymağı bacarır. Yeni nəsil Apple Watch Ultra-nın microLED ekranı da “Samsung”a məxsus olacaq.