Hər il olduğu kimi yeni iPhone seriyası bu ilin sentyabrında bazara ilk addımını atacaq.  Çıxan son xəbərlər iPhone 15 Pro Max modelinə diqqəti artırır. Yalnız bu modeldə olduğu deyilən periskop kamera obyektivinə dair yeni məlumatlar paylaşılıb. Apple analitiki Ming-Chi Kuo tərəfindən paylaşılan son məlumata görə, iPhone 15 Pro Max-a eksklüziv olacaq periskop kamera obyektivləri yalnız Largan tərəfindən təmin ediləcək. Largan kamera linzalarının istehsalına görə dünyanın aparıcı şirkətlərindən biridir. “iPhone”un periskop obyektivinə sahib olacağı ilə bağlı söz-söhbətlər illər əvvələ gedib çıxsa da, son məlumatlarda bu kameranın yalnız iPhone 15 Pro Max-da olacağı deyilir.

Largan linzalardan qazanmayacaq

Kuonun sözlərinə görə, Larganın təqdim etdiyi periskop kamera linzalarının orta satış qiyməti təxminən 4 dollardır (prizmalar daxil olmaqla), bu da orta bazar qiymətindən xeyli aşağıdır. Kuo deyir ki, 4 dollarlıq qiymət o deməkdir ki, Largan periskop kamerasının obyektivindən qazanc əldə edə bilməz. Kuo inanır ki, 2024-cü ildə hər iki iPhone 16 Pro modeli iPhone 15 Pro Max-da istifadə olunan periskop obyektivinin eynisindən istifadə edəcək və Apple bəzi yüksək səviyyəli məhsullarını Pro modellərinə ayırmaqla standartdan fərqləndirəcək.