Bu il yeni iPhone-lardan birini, xüsusən də iPhone 15 Pro Max-ı almağı planlaşdırırsınızsa, pul yığmağa başlayın. Çünki yeni hesabatda yüksək səviyyəli iPhone 15 Pro Max-ın qiymətinin şirkətin indiyə qədər buraxdığı ən bahalı iPhone 14 modelindən 48% baha olacağı iddia edilir.

Bu günə qədərki ən bahalı iPhone ola bilər

Bildirilir ki, həm iPhone 15 Pro, həm də iPhone 15 Pro Max əsas modellərdən bir qədər fərqli olacaq. Bunun qiymətlərdə də əks olunacağı bildirilir. Belə ki China United Daily News-un yeni hesabatına görə, iPhone 15 Pro Max-in qiyməti 2900 dollara,  təxminən 5 min manata bərabərdir. Yeri gəlmişkən, 1 TB yaddaşa malik top model iPhone 14 Pro Max-ın qiyməti 1599 dollar idi. iPhone 15 Pro Max-ın mövcud Lightning portunu əvəz etmək üçün tamamilə yeni titan korpusa və USB-C şarjına, daha çox böyütmə təklif edən periskop kamera sisteminə sahib olacağı gözlənilir. Ancaq telefonda yer alacaq Apple A17 Bionic çipi TSMC-nin bahalı 3nm prosesində istehsal ediləcək və bu çip yalnız Pro modelləri üçün olacaq. Təbii ki, bütün bunlar, o cümlədən qiymət məlumatları da sadəcə şayiə olduğu üçün onları ciddi qəbul etməkdə tələsməyək.