Apple iOS 16-da iPhone 14 istifadəçilərinə təsir edən daha bir problemin olduğunu etiraf etdi. Bu dəfə problem mobil məlumat və SİM kart dəstəyi ilə bağlıdır. Apple bəzi iPhone 14, iPhone 14 Plus, iPhone 14 Pro və iPhone 14 Pro Max istifadəçilərinin telefonda "SIM kart dəstəklənmir" mesajını görə biləcəyini bildirib. Ekranda belə mesaj göründükdən sonra smartfon dona bilər.

Görünür odur ki, hardware problemi deyil

Bu problemi araşdıran şirkət bunun hardware xətası olmadığını bildirdi. Müştərilər proqram təminatını yeni saxlamalıdır. O, problemi olan istifadəçilərə də bəzi təkliflər verib. Belə ki Apple bu problemlə qarşılaşan hər kəsə əvvəlcə ekrandakı mesajın getməsi üçün bir neçə dəqiqə gözləməyi tövsiyə edir. 

Xatırladaq ki, Apple iPhone 14 seriyasının buraxılışından bəri bir neçə problemlə üzləşib. İstifadəçilər Instagram, TikTok və “Snapchat”da video paylaşanda iPhone 14 Pro titrəməyə başlayırdı. Keçən ayın sonunda Apple bu və bir sıra digər problemləri aradan qaldırmaq üçün iOS 16.0.2-ni buraxdı. Bir həftə əvvəl isə iOS 16.0.3 buraxılıb. Yəqin ki, bu yeni sistemlə problemlər tamamilə həll ediləcək.