iPhone 14 Pro Max-ın əsl qiyməti 800 manatdır!

Apple şirkəti Avropa bazarında satışa çıxarılan iPhone 14 modellərinin qiymətini 100 avro artırıb. Məşhur "Counterpoint”ə də yeni araşdırmasını Apple iPhone 14 Pro Max-a nə qədər pul xərcləyib məsələsinə həsr edib. Smartfonu təşkil edən hissələrin qiyməti açıqlanıb. Araşdırmaya görə, iPhone 14 Pro Max-ın istehsalı üçün tələb olunan komponentlərin qiymətinin orta hesabla 464 (787 manat) dollar olduğu bildirilir. Bu rəqəm əvvəlki flaqman iPhone 13 Pro Max ilə müqayisədə 3,7 faiz artım deməkdir. Qeyd edək ki, qiymət artımına səbəb olan ən böyük dəyişiklik daim açıq olan ekran, A16 Bionic və yeni kamera sistemi olub.

Counterpoint-in məlumatına görə, A15 Bionic-dən A16 Bionic-ə keçid qiymətin 11 dollar artmasına səbəb olub. Eynilə Sony-nin əvvəlki modeldən 65 faiz daha böyük sensor sahəsi olan yeni 48MP kamera sistemi iPhone 14 Pro Max-ın ümumi dəyərinə təxminən 6,30 dollar əlavə edir. Beləliklə, 128 GB iPhone 14 Pro Max-ı təşkil edən hissələrin qiyməti ümumi qiymətin təxminən 42 faizini təşkil edir.

Ancaq görünür, Apple digər sahələrdə qənaət etməklə yüksək komponent xərclərinin bir hissəsini kompensasiya etməyi bacarıb. Çünki iPhone 12 seriyasına əlavə edilən 5G dəstəyi ildən-ilə komponent qiymətlərində ən böyük artımlardan biri olur. Bu gün 5G-nin daha geniş yayılması mobil avadanlıqların qiymətlərinin əhəmiyyətli dərəcədə azalması ilə nəticələnib.

Həmçinin, paylaşılan rəqəmlər yalnız 128 GB yaddaşa malik iPhone 14 Pro Max üçün komponent xərclərini əhatə edir. Çünki montaj, göndərmə, patent haqları, proqram təminatının hazırlanması, reklam və logistika kimi digər xərclər tədqiqata daxil edilməyib.