Fransanın tənzimləyici qrupu ANFR, Apple-ın iOS 17 yeniləməsini buraxacağı tarixi açıqladı. iPhone 12-nin uzun müddətdir müzakirə edilən radiasiya problemi həll edilir, lakin bununla da məhdudlaşmır.

ANFR-nin məlumatına görə, Apple-ın növbəti iOS yeniləməsi iOS 17.1 oktyabrın 24-də təqdim olunacaq. Yeni iOS 17 versiyasında iPhone 12-nin radiasiya səviyyəsini azaldacaq düzəlişlər olacaq. Və həmçinin iPhone 15 Pro üçün bir neçə kiçik yeniliklərlə yanaşı, modellərinə xas dəyişikliklə də gələcək.

Yeniləmə, iPhone 12 SAR problemini həll edəcək.Yadınızdadırsa, Fransa sentyabr ayında Apple-a iPhone 12-nin satışını dayandırmağı və telefonu Avropa elektromaqnit şüalanma standartlarına uyğunlaşdırmaq üçün təmir etməyi əmr etmişdi. Apple-a görə , ANFR iPhone 12-nin SAR dəyərini hesablayarkən iPhone-larda bədəndən kənar aşkarlama mexanizmini nəzərə almayıb. Buna görə də testin nəticəsi səhv idi. Apple-a görə, iPhone 12 həmişə istifadə üçün təhlükəsiz olub, lakin şirkət yenə də bir yeniləmə buraxacaq.

iOS 17.1 yeniləməsi Apple Music favorilər sistemini, internet üzərindən AirDrop dəstəyini, Wallet proqramında debet və kredit kartı balansına baxmaq üçün yeni seçimləri, iPhone 15 Pro-da “Action” düyməsinə dəyişiklikləri və daha çoxunu əhatə edəcək.