iOS 16-ya keçiş daha sürətli oldu!

iOS 16 sentyabrın 12-də buraxıldı. Son statistik nəticələrə görə istifadəçilər əvvəlki versiyadan fərqli olaraq iOS 16-ya daha sürətli keçdilər. Paylaşılan cədvələ nəzər saldıqda iOS 16-nın buraxılışdan cəmi bir gün sonra 6,7%, iOS 15 isə 6,4% yüklənib. İlk gündə 9,2% yüklənmə göstəricisi ilə iOS 14 hələ də ən populyar iOS versiyasıdır. Üç günlük məlumatlara baxsaq, iOS-un yüklənməsi iOS 16 10,4%, iOS 15 9,6%, iOS 14 isə 14,6% təşkil edir.

iOS 14 hələ də birinci gündən ən çox yüklənən iOS versiyasıdır

iOS 14-ün hələ də üstün olmasının bir neçə səbəbi var. Misal üçün iOS 14 ilə Apple ilk dəfə ana ekranı təzələyərək vidjetlər (widget) gətirdi. iOS 15 istifadəçilərin diqqətlərini işlərinə yönləndirməsi üçün Fokus rejimi gətirdi. iOS 16 yenilənmiş kilid ekranı ilə gəlir. Kilid ekranının görünüşünün dəyişdirilməsi funksiyası iPhone istifadəçilərinin iOS 16-a keçidində böyük rol oynayıb. Apple həmçinin istifadəçilərə iOS 15.7-də qalmaq seçimini təklif edir. iOS 15-in buraxılmasından dörd ay sonra iOS 14-ə qayıtmaq ləğv edildi. iOS 16-da bu müddəti daha da qısaldıla bilər. iOS 16-a keçməzdən əvvəl iki dəfə düşünmək yaxşı olar. Çünki əvvəlki versiyaya qayıtmaq mümkün deyil. iOS 15.7 iPhone 6s və 7 üçün son yeniləmə kimi görünür. Yeni iOS 16 yeniləməsini iPhone 8 və sonrakı modellər üçün yükləmək mümkündür.

Qeyd etmək lazımdır ki, iOS-un bu göstəriciləri Apple-ın rəsmi məlumatları deyil.