iOS 18.3 ilə iPhone-lara gələcək yeniliklər bəlli oldu

Apple, inkişaf etdiricilər və texnologiya həvəskarları üçün iOS 18.3 RC versiyasını  təqdim etdi. Bu yeniləmə xüsusilə iPhone 16 istifadəçiləri üçün maraqlı funksiyalarla zəngindir.

iOS 18.3 RC, həm inkişaf etdiricilər, həm də ictimai beta istifadəçiləri üçün əlçatandır. Bu, çox güman ki, bütün istifadəçilər üçün yayımlanacaq sonuncu beta versiyasıdır. Apple ilk dəfə olaraq rəsmi buraxılış qeydlərini paylaşdı.

iOS 18.3 nələri gətirir?

Bu yeniləmə süni zəka texnologiyalarına fokuslanır. İstifadəçilərin çoxdan gözlədiyi görsel süni zəka xüsusiyyəti iOS 18.3 ilə nəhayət təqdim ediləcək. Yeniləmədə həm də bir neçə sistem xətası aradan qaldırılır. Əsas xüsusiyyətlər:
 

• Visual AI (Bütün iPhone 16 modelləri)

  • Plakat və ya elanlardan təqvimə hadisə əlavə etmə imkanı

  • Bitki və heyvanları tanıma funksiyası
     

• Bildiriş xülasələri (iPhone 16, iPhone 15 Pro, iPhone 15 Pro Max)

  • Kilid ekranından bildiriş xülasələrini idarəetmə rahatlığı

  • Yenilənmiş stil: İtalik mətn və simvollarla digər bildirişlərdən fərqləndirmə
     

• Xətaların düzəldilməsi

  • Kalkulyator tətbiqində bərabər işarəsinə təkrar toxunduqda son əməliyyatı təkrarlama problemi həll edilib

  • Siri ilə yazılı əmri başlatdıqda klaviaturanın yoxa çıxması problemi düzəldilib

  • Apple Music bağlandıqdan sonra mahnı bitənə qədər səsin səslənməsi problemi həll edilib
     

Apple-ın növbəti həftə iOS 18.3 final versiyasını təqdim edəcəyi gözlənilir.