iOS 16.4 yeniləməsi buraxıldı: Hansı yeniliklər var?

iOS 16.4 üçün gözləmə müddəti bitdi və həftəlik sınaqlardan sonra Apple iPhone üçün iOS 16.4 yeniləməsini buraxdı. Yeniləmə bir neçə səhv düzəlişlər və bəzi yeni funksiyalarla gəlir. Yeni funksiyalardan bəzilərinə emojilər, mobil zənglər üçün səs-küy izolyasiyası və s. daxildir.

iOS 16.4-ü necə yeniləmək olar?

‌iOS 16‌‌.4 və iPadOS 16.4 uyğun iPhone və iPad-lərdə Parametrlər > Ümumi > Proqram təminatı yeniləməsi bölməsinə keçməklə yüklənə bilər. Apple həmçinin köhnə iPhone istifadəçiləri üçün iOS 15.7.4-ü buraxdı və yeniləmə təhlükəsizlik təkmilləşdirmələrini təklif edir.

iOS 16.4 yeniləməsi ilə gələn emojilər arasında baş silkələyən, çəhrayı, mavi, boz ürək, eşşək, maral, qara quş, qaz, qanad, meduza, sümbül kimi yeni emojilər var. Ümumilikdə versiyaya 21 yeni emoji əlavə edilib. Həmçinin iOS 16.4-ə əsas ekrana əlavə edilmiş vebsaytlar üçün Safari veb bildirişləri, daha aydın mobil telefon zəngləri üçün səs izolyasiyası, “Apple Books”da səhifə çevirən animasiya, Podcast yeniləmələri, yeni HomeKit arxitekturası və bir sıra digər kiçik düzəlişlər daxildir. Yeni funksiyalar aşağıdakılardır:

- Heyvanlar, jestlər və obyektlər daxil olmaqla 21 yeni emoji;

- Əsas Ekrana əlavə edilən veb tətbiqləri üçün bildirişlər;

- Mobil zənglər üçün səs izolyasiyası. Bu, ətrafınızdakı səs-küyün qarşısını alır;

- Hava proqnozu proqramında xəritələr üçün VoiceOver dəstəyi;

- Valideynlərin telefonunda uşaqlardan gələn satınalma sorğularının görünməməsi problemi həll edildi;

- Qəza aşkarlama optimallaşdırmaları iPhone 14 və iPhone 14 Pro modellərinə tətbiq edildi.