iPhone istifadəçiləri öz foto kitabxanalarında onlara aid olmayan fotolarla rastlaşıblar.
Başqalarının şəxsi fotoşəkilləri görünür
Windows üçün iCloud iPhone istifadəçilərinə kompüterlərindən öz fotolarına, videolarına, fayllarına və digər vacib məlumatlara daxil olmaq imkanı verir. “Apple”ın vaxtaşırı yenilədiyi proqram təminatından istifadə edənlər hazırda ciddi problemlə üzləşirlər. “iPhone”da saxlanılan və sonra iCloud proqramı ilə sinxronlaşdırılan videolar qaralır, videolara baxmaq mümkün olmur. Ən pisi də odur ki, istifadəçilər bu korlanmış videolara baxmağa cəhd etdikdə kitabxanalarında onlara aid olmayan foto və videolar görürlər.
“Apple”ın açıqlamasını gözləyirik
Hələlik bəzi iPhone 13 və 14 Pro istifadəçiləri bu problemlə üzləşdiklərini bildiriblər. Bəzi istifadəçilər proqramı silib yenidən yükləyib. Təəssüf ki, “iCloud Windows”u yenidən quraşdırmaq problemi həll etmir. Apple hələ ki, məsələ ilə bağlı şərh verməyib.
