Huawei Band 7 rəsmi olaraq təqdim olundu

Huawei Band 7 rəsmi olaraq təqdim olundu

 Huawei bu gün yeni Band 7 smart qolbağını rəsmi olaraq təqdim etdi. Yeni cihazın diqqətçəkici tərəfi yığcamlıqdır: ekran çərçivələri kiçilib, korpusun qalınlığı 9,99 mm-ə düşüb və çəkisi cəmi 16 qramdır.

 Eyni zamanda, Huawei Band 7 1,47 düymlük və 368 x 194 piksel təsvir ölçülü kifayət qədər böyük AMOLED displeydən istifadə edir. Cihaz ürək döyüntüsüqan oksigen sensorlarına malikdir, yuxu monitorinqini (TruSleep 2.0 texnologiyası) və menstruasiya dövrünün izlənilməsini dəstəkləyir. Onu da qeyd edək ki, ağıllı qolbaqda 96 idman rejimi var. Cihazın maksimum batareya ömrü 14 gün olaraq açıqlanıb. Onun maqnit doldurma dəstəyi var və beş dəqiqəlik şarj ona iki gün işləmək üçün kifayət qədər enerji saxlamağa imkan verir. Təbii ki, həm də 5 metr dərinliyə qədər suya davamlıdır. Huawei Band 7 iki versiyada təqdim olunacaq. Əsas versiyanın qiymətinin 41 dollar, daxili NFC modulu və mobil ödəniş dəstəyinə malik versiyanın isə 47 dollar olacağı açıqlanıb. Ağıllı qolbaqın Azərbaycanda da satışa çıxarılacağı gözlənilir.

Şərhlər

Digər xəbərlər