Əfsanə smartfon markası HTC 4 illik
aradan sonra geri qayıdır. Marka yeni flaqman smartfon təqdim etməyə
hazırlaşır. Bu haqda məlumatlar MWC 2022 konfransında təsdiqlənib.
HTC şirkəti 10 il öncə dünyanın ən böyük
smartfon markalarından biri idi. Lakin izlədikləri səhv strategiyalar səbəbilə
bazarda yox olacaq qədər kiçildilər. Qlobal bazardan çəkilən firma bəzi bazarlarda
büdcə dostu smartfonlar satmağa davam edir. Tayvanlı şirkəti növbəti ayda 4 il
sonra özünün ilk Android flaqman smartfonunu təqdim edəcək. Bu məlumatlar MWC
2022 konfrasında HTC Vive Asya tərəfinin CEO-su Charles Huang tərəfindən təsdiqlənib.
Yeni flaqman modeli 2018-də təqdim olunan HTC U12+ modelindən sonra ilk flaqman
modeli olacaq. Yeni model artırılmış və virtual gerçəklik tətbiqlərinə fokuslanan
bir smartfon olacaq. Həmçinin HTC şirkətinin “Viveverse” adlı açıq qaynaqlı
Metaverse proyekti ilə də dərin inteqrasiyaya malik olacaq. Qeyd edək ki, şirkət
2018-ci ildə smartfon istehsalı ilə məşğul olan departamenti Google şirkətinə
satıb. Hal-hazırda sadəcə bəzi bazarlarda fəaliyyət göstərən şirkət təkrar
qlobal bazara çıxmağı planlayır.
