Honor-dan iPhone dizaynında bir Android smartfon daha: Honor X8

Honor-dan iPhone dizaynında bir Android smartfon daha: Honor X8

 Çinli istehsalçı Honor şirkəti iPhone dizaynında olan Honor X8 smartfonunu təqdim edib. Qiyməti hələ açıqlanmayan smartfonun texniki özəllikləri məlum olub. Smartfonun ən diqqət çəkən tərəfi iPhone dizaynı ilə oxşar olmasıdır.

 Huawei-dən ayrılıb müstəqil şirkətə çevrilən Honor şirkəti yeni strategiyalar tətbiq edir. Daha əvvəl Honor 60 SE modeli ilə iPhone smartfonlarına banzəyən dizaynda smartfon təqdim edən şirkət indi də Honor X8-i təqdim edib. Bu model də dizayn olaraq Apple iPhone modellərinə bənzəyir. Smartfonda 90 Hz Full HD+ ekran istifadə edilib. 6.7 düym LCD ekranı olan bu smartfon 93.6% gövdə/ekran nisbətinə malikdir. Ağırlığı isə 177 qramdır. Snapdragon 680 ilə təchiz olunan Honor X8 smartfonu 6 GB ram128 GB daxili yaddaş ilə satışa çıxıb. Smartfon qutudan Android 11 Magic Uİ 4.2 ilə çıxır. 4000 mAh batareyası olan Honor X8 sürətli şarj tərəfində 22.5W dəstəyə malikdir. Kamera tərəfində smartfonun önkamerası 1080P video çəkə bilən 16 MP-lik kamera ilə təchiz olunub. Əsas arxa kamerası 64 MP olan smartfon 5 MP geniş bucaqlı, 2 MP dərinlik sensoru və 2 MP makro kameraya malikdir. Smartfon 4G, Wi-Fi 5, Bluetooth 5.0, 3.5 mm qulaqlıq girişi və süni intellekt dəstəkli üz tanıma kimi funksiyalara malikdir. Honor X8-in Avropa bazarında satışa çıxması planlanır.

Şərhlər

Digər xəbərlər