iPhone dizaynında Android smartfon: Honor 60 SE 5G təqdim edildi

iPhone dizaynında Android smartfon: Honor 60 SE 5G təqdim edildi

   Ötən aylarda Honor 60 Honor 60 Pro smartfonlarını təqdim edən Çinli şirkət Honor bu səfər yeni modelini təqdim etdi. Honor 60 SE 5G modeli ilə daha aşağı seqmenti hədəfləyən şirkət smartfonun dizaynında Apple tərzini istifadə edib. Beləki smartfonun kamera dizaynı iPhone smartfonlarında olduğu kimi hazırlanıb. Bu da bir çox istifadəçinin diqqətini çəkib.

  Bu smartfon 6.78 düym IPS LCD ekran istifadə edir. Həmçinin bu ekran 120 Hz dəstəkləyir. MediaTek şirkətinin Dimensity 900 5G çipseti ilə təchiz olunan Honor 60 SE 5G smartfonu 64 MP əsas kameraya malikdir. Bundan başqa 66 Watt sürətli şarj texnologiyasını dəstəkləyən smartfon 8 GB ram və 128/256 GB yaddaş kimi seçimlərə malik olacaq. Smartfonun satış qiyməti 345-393 dollar arası dəyişir. Smartfon üçün önsifarişlər qəbul edilsə də Honor 60 SE 5G haqqında tam ətraflı məlumat paylaşılmayıb. Honor 60 SE 5G modeli 18 Fevraldan etibarən bütün istifadəçilər üçün satışa çıxacaq.

Şərhlər

Digər xəbərlər