"Google"dən xəbərdarlıq : "Chrome"u indi yeniləyin!

Axtarış nəhəngi Google Chrome brauzeri üçün planlaşdırılmamış "təcili" yeniləmə buraxdı. Səbəb hakerlərin aktiv şəkildə istifadə etdiyi sıfır gün qüsurunu aradan qaldırmaqdır. Chrome üçün buraxılmış 112.0.5615.121 yeniləməsi CVE-2023-2033 boşluğunu düzəldəcək. Qeyd edək ki, bu, həm də Chrome-da 2023-cü ilin əvvəlindən bəri ilk sıfır gün qüsurdur.

Brauzerinizi təcili olaraq yeniləyin

V8 JavaScript mühərrikində aşkar edilmiş qüsur hakerlərə zərərli veb-sayt vasitəsilə qurbanın sistemində ixtiyari kod icra etməyə imkan verir. Bunun nəticəsində cihaz üzərində tam nəzarət əldə edilir.

Google Chrome istifadəçilərinə brauzerlərini yeniləmək üçün kifayət qədər vaxt vermək üçün qüsurun texniki təfərrüatlarını açıqlamayıb. Brauzerinizin "Yardım" bölməsindən "Google Chrome haqqında" menyusuna daxil olaraq yeniləyə bilərsiniz.