Google-ın növbəti smartfonları Pixel 7 və Pixel 7 Pro smartfonları ikinci nəsil Tensor prosessorları ilə gələcək. Həmçinin bu smartfonlarda Samsung modemləri istifadə ediləcək. Google və Samsung işbirliyi daha çox böyüyür.

 Google şirkəti yeni smartfonları üzərində çalışarkən ilkin məlumatlar yayınlanmağa başlayıb. Növbəti Pixel 7 və Pixel 7 Pro smartfonlarında Google şirkətinin 2.nəsil Google Tensor prosessorları olacaq. “Cloudripper” kod adlı yeni prosessorlar Samsung tərəfindən hazırlanan Exynos modemlə dəstəklənəcək. Kod adlarına görə bu prosessorlarda Exynos Modem 5300 istifadə ediləcək. Qeyd edək ki, Tensor prosessorları Samsung tərəfindən istehsal edilir. Google Tensor olaraq adlandırılsa da kodlar içində Exynos adına rast gəlinmişdi. Hər nə qədər Google etiraf etməsə də iddialara görə əslində Google Tensor prosessorları Samsung Exynos prosessorlarının bir növüdür, lakin süni zəka tərəfi Google tərəfindən gücləndirilib. Rəqibləri ilə müqayisədə geri qalan Google Tensor prosessoru bir çox istifadəçi tərəfindən bir xeyli tənqidə məruz qalmışdı. Lakin görünən odur ki, Google şirkəti tənqidləri önəmsəmədən öz yoluna Google Tensor prosessorları ilə davam edəcək.