Google-un hər il keçirdiyi I/O konfransının tarixini açıqlanıb. Bu konfransda Android 13 də təqdim olunacaq. May ayında keçiriləcək olan I/O 2022 konfransının əsas hədəfi Android 13 əməliyyat sistemi olacaq.

 Google şirkəti hər il I/O adını verdiyi özünəməxsus konfransını keçirir. Bu konfransda Google adətən növbəti əməliyyat sistemini və digər texnologiyalarını təqdim edir. Bu səfərki I/O 2022 konfransı isə 11-12 May tarixləri arasında keçiriləcək. Google-a məxsus konfrans Mountain View-da yerləşən Shoreline Amfiteatrında canlı olaraq baş tutacaq. Lakin əvvəlki illərə nəzərən daha az iştirakçının olması planlanır. Fiziki iştirakçıların əsasən şirkətinin özünün və partnyorların işçilərinin olacağı gözlənilir. Həmçinin bu konfrans internet üzərindən canlı olaraq da izlənilə biləcək. Google şirkətinin I/O 2022 konfransında Android, Chrome OS və Fuchsia əməliyyat sistemləri haqqında məlumat verməsi gözlənilir. Android 13 haqqında bir çox məlumatların veriləcəyini bildirən rəsmilər bu əməliyyat sisteminin daha çox istifadəçi üçün istifadəyə veriləcəyini də deyib. İlk mərhələdə bura Google Pixel smartfonlarını istifadə edən istifadəçilər daxildir. Google məhsullarından əlavə Wear OS əməliyyat sisteminin təkmilləşdirilməsi üçün Samsung ilə aparılan işbirliyindən də bəhs ediləcəyi gözlənilir. İddialara görə Google TV haqqında da məlumatlar verilə bilər.