Google artıq bildiyimiz “Google” olmayacaq!

OpenAI-a on milyardlarla dollar sərmayə qoyduqdan sonra Microsoft ChatGPT-ni gücləndirən GPT-4 modelini "Bing"ə əlavə etdi. Bu süni intellekt yarışının aşkar qalibi Microsoft Bing-dir, Google isə süni intellekt müharibəsinə hazırlaşır. The Wall Street Journal-a verdiyi müsahibədə CEO Sundar Pichai “Google”da süni intellektin necə işləyəcəyini açıqlayıb.

"Google"da süni intellektlə söhbət olacaq

İnsanlar "Google"a suallar verə və axtarış kontekstində LLM-lərlə (böyük dil modelləri) əlaqə saxlaya biləcəklərmi? sualına Sundar Pichai mütləq olduğunu bildirib. Google artıq LLM-ləri axtarışa inteqrasiya edəcəyini bildirib, lakin şirkət ilk dəfə olaraq söhbət funksiyaları üçün də planlarını açıqlayıb. Pichai AI söhbətini təhlükə olaraq deyil, axtarış sənayesinin böyüməsi üçün yeni yol olaraq gördüyünü və bunun böyük  fürsət olduğunu söylədi. Google Google Brain və DeepMind kimi mövcud bölmələri arasında əməkdaşlığı genişləndirməyi hədəfləyir. Bu şəkildə ahəng meydana gələcəyinə inanılır. Genişlənmək istəyən "Google"un süni intellekti axtarış sisteminə necə və nə vaxt inteqrasiya edəcəyi bəlli deyil. Lakin Bardın süni intellektləri artıq sınaqdan keçirilir.

Meta inqilabi süni intellekt alətini buraxır: Hər şeyi Seqmentləşdirin 

Digər tərəfdən, Microsoft fevral ayından bəri nə etmək istədiyinə tam əmin görünür. Bing Chat süni intellekti Bing axtarış sisteminə uğurla inteqrasiya edilib. Normal veb axtarışları tez bir zamanda süni intellekt sorğusuna çevrilə bilər. Hətta "Bing"in Chat bölməsində yazdığınız cümlənin şəklini tələb edə bilərsiniz. Bu xüsusiyyət bir müddət əvvəl "Bing"ə əlavə edilən mətndən-şəklə süni intellekt modeli DALL-E sayəsində mümkün olub. Buna baxmayaraq, Google axtarış sənayesinin 93 faizində üstünlük təşkil edir. Buna görə "Microsoft"un səhv etmək lüksü olsa da, "Google"un itirəcəyi çox şey olduğu üçün səhv etmək şansı yoxdur. Xatırladığınız kimi, keçən ilin sonunda ChatGPT buraxıldıqdan sonra Google bu süni intellekti öz əsas biznesi üçün ekzistensial təhlükə kimi gördü və onu qırmızı kod elan etdi. O vaxtdan bəri "Google"dan gözlənilən böyük gediş gəlmədi.